Kantor prinsipais John Legend no banda metal legendaris Metallica inklui iha entre artis nebe sei aparenser iha kalan premio Grammy Award 2017.
Komisaun organizadora Grammy, The Recording Academy, anuncia kuarta foin lalais nee katak kalan premiasaun prestisiozu ba musikus mundial sei realiza iha Los Angeles iha loron 12 Febereiro oin mai.
Beyonce hetan nomeiasaun barak liu iha iventu nee. Enkuantu John Legend, nebe konhesidu ho musika balada “All of Me”, nudar favorite manan nain Grammy. Kantor idade 38 nee manan ona premiu 10 no sem
pre aparensia desde 2014
Metallica, grupu heavy metal ida nebe influensia liu, iha Novembro 2016 lansa album dahuluk iha tinan ualu, hanesan album foun liu Legend nebe tardi tama iha Grammy.
The Recording Academy mos planeia hela atu apresenta mos kantor country Carrie Underwood no Keith Urban.
Manan nain Grammy baseia ba peskiza husi professional musika sira, laos baseia ba grafiku fan musika ka album.
Komediante Reinu Unidu James Corden, nebe halibur ona base apoiantes atraves programa Stasiun TV CBS “Carpool Karaoke” sei sai nudar Host principal Grammy tinan nee.
Corden troka rapper LL Cool J nebe lori ona programa refere durante tinan lima tutuir malu, konforme publika iha agensia notisa AFP.